Actualité

COVID-19 - Aktuell Mesuren a Verhaalenskodex

Déi aktuell Situation ass kritesch an erfuerdert schaarf Mesuren. Mir hunn dës Mesuren opgelëscht an den aktuelle Point gemaach:

>>> Avis officiel an de Verhaalenskodex <<<

Panik hëlleft kengem, Ignoréieren awer och net.

Ech verstinn dass:

  • de COVID-19 geféierlech ass,
  • d‘Infektiounskurve méiglechst flaach muss gehale gi fir eisem Gesondheetssystem genuch Zäit ze gi fir all Infizéiert ze versuergen an ze heelen,
  • ech kann Träger vum Virus sinn ouni Symptomer ze hunn an ouni, dass den Virus bei mir ausbrécht,
  • eng sozial Isolatioun déi effizientst Moossnam ass fir eng Pandemie anzedämmen,
  • d‘Infektiounsraten am beschten ze senken ass, andeems ech Kontakter vermeiden och wann ech mech gutt fillen a keng Symptomer hunn a kenger Risikogruppen ugehéieren.
Dofir wäert ech bis d‘Pandemie oofgeklongen ass:

  • Kontakter zu Leit ausserhalb vu mengem direkten Haushalt ob ee Minimum reduzéieren,
  • Kontakter zu Risikogruppen (Häerzkranker, Longekrankheet, Diabetiker, Kriibserkrankung, krank Leit, a Matmënschen iwwert 65 Joer) komplett physesch meide fir se ze schützen,
  • U kenge Manifestatiounen an onnéidege Versammlungen deelhuelen,
  • Meetinge per Telefon, Mail oder Videochat ofhalen,
  • Bei onëmgänglechen Zesummekommen ee Sécherheetsofstand vu mindestens 2 Meter anhalen,
  • Kierperkontakt evitéieren, a reegelméisseg meng Hänn wäschen, speziell no Kontakt mat ëffentlechen Géigestänn,
  • Reegelméisseg mäin Handy an Telefon botzen an net einfach deelen,
  • Mat Opklärung vis à vis vun mengen Matbierger dozou bäizedroen, dass den Probleem verstanen gëtt an erklären, dass keen Grond besteet an Panik ze Do- bäi wäert ech empathesch an respektvoll mat mengen Matmënschen hiren Aengscht an Erfarungen ëmgoen,
  • Keng ongepréiften Neiegkeeten oder Rumeuren verbreeden déi zu Panik kennen féieren,
  • Mengen Noperen oder soss Risikogruppen hëllefen wann se meng Hëllef brauchen mat der néideger Distanz fir si net ze gefäerden,
  • Op eist gutt Waasser aus der Gemeng Schengen zréckgräifen,
  • d‘Fangere richteg a mat Seef wäschen (op mannst 30 Sekonnen).

Mat dësen perséinlechen Aschränkungen iwwerhuelen ech meng perséinlech Verantwortung an droen dozou bei:​

  • den Risiko selwer Träger an Verbreeder vum Virus ze sinn ze miniméieren,
  • d‘Verbreedung vum Virus anzeschränken,
  • méiglechst wéineg Leit unzestiechen,
  • de Gesondheetssystem an d‘Spideeler ze entlaaschten.