Prinzessin Marie-Astrid Europa

D’Prinzessin Marie-Astrid Europa, d’Schëff op deem viru 40 Joer den Accord de Schengen ënnerschriwwe gouf, kënnt zeréck op Schengen.

Den 11. November huet eng Delegatioun vum Ministère de l’Economie, der Gemeng Schengen, dem Centre Européen Schengen, dem Architektebüro Migliore+Servetto an dem Design Studio Karmachina op eng Visitt mat Pressekonferenz an d’Lux-Werft zu Niederkassel Mondorf (D), wou d’Prinzessin Marie-Astrid Europa ëmgebaut gëtt fir d’nächst Joer Deel vum renovéierte Centre Européen ze ginn, invitéiert.